Moti i keq, pezullohet lundrimi i mjeteve të vogla në portin e Vlorës

Për shkak të motit të keq dhe me shi, kryesisht në gjirin e Vlorës, është njoftuar pezullimi i lundrimit për mjetet e vogla lundruese.

Sipas parashikimit të motit, në gjirin e Vlorës era do të jetë në drejtimin Jug-Juglindje me forcë 5-6bft, 10-15m/s.

Në orët e mesditës do të ketë përmirësim të lehtë të motit, por përsëri do të përkeqësohen kushtet e detit dhe të erës.

Pos pezullimit të mjeteve të vogla lundruese dhe atyre të peshkimit, përjashtim në qarkullim bëjnë vetëm mjetet e transportit ndërkombëtar detar.

Sipas parashikimeve, përmirësim i kushteve hidrometeorologjike do të bëhet gjatë ditës së premte.