Digjet një banesë në Devoll, shkak dyshohet rrjedhja e gazit

Përfshihet nga flakët një banesë në fshatin Cangonj në Devoll.

Ngjarja ka ndodhur vetëm pak minuta më parë, ndërsa sipas informacioneve të para dyshohet se shkaku i zjarrit të jetë rrjedhja e gazit.

Në vendngjarje ka shkuar menjëherë një mjet zjarrfikës për të bërë të mundur shuarjen e zjarrit.

Sipas punonjësve në banesë nuk ka patur persona në momentin e rrjedhjes së gazit ndërkohë që aktualisht po punohet nga ana e tyre për izolimin e plotë të flakëve.

Ne banese jetonte një i moshuar vetëm, i cili ka shpëtuar pa lëndime. Policia në vendngjarje po punon për zbardhjen e plotë të rrethanave të ngjarjes.