Rreth 220 municione të kalibrave të ndryshëm janë nxjerrë sot nga zhytësit shqiptarë dhe ata francezë nga ujërat e gjirit të Vlorës, ka bërë të ditur ministri i Mbrojtjes Niko Peleshi.
Ai ndau foto nga ky operacion i cili sipas tij tash e tutje “e bën gjirin e Vlorës më të sigurt”.
Peleshi informoi se 220 municionet e kalibrave të ndryshëm iu dorëzuan për asgjësim xhenierëve tanë.
“Gjiri i Vlorës është tashmë më i pastër dhe më i sigurt. Zhytësit shqiptarë dhe francezë nxorën nga fundi i detit rreth 220 municione të kalibrave të ndryshëm, të cilat iu dorëzuan për asgjësim xhenierëve tanë”, tha Peleshi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
