“Fake Cash” u kodua një operacion i policisë së Vlorës gjatë të cilës u godit një rast i shpërndarjes së kartëmonedhave të falsifikuara, duke vënë në pranga dy persona.
Si rezultat, u arrestuan në flagrancë J. T., 25 vjeç, banues në Skrapar dhe B. S., 35 vjeç, banues në Përmet.
Si dhe u procedua në gjendje të lirë shtetasi T. K., 24 vjeç, banues në Vlorë.
Nga veprimet hetimore ka rezultuar se këta shtetas, në bashkëpunim me njëri-tjetrin, ushtronin aktivitet të kundërligjshëm të shpërndarjes së kartëmonedhave të falsifikuara në qytetin e Vlorës.
Shtetasi T. K. dyshohet se siguronte kartëmonedha false nga dy të arrestuarit dhe më pas i fuste në treg duke i përdorur për blerje në biznese të ndryshme të zonës.
Gjatë operacionit u sekuestrua në cilësinë e provës materiale një shumë prej 2550 eurosh të dyshuara të falsifikuara, në prerje 50 dhe 100 euro.
Nën drejtimin e Prokurorisë së Vlorës, vijojnë hetimet për identifikimin dhe kapjen e personave të tjerë të përfshirë në këtë veprimtari të paligjshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
