Është dhënë sot masa “arrest më burg” për 37-vjeçarin Mikel Postolli, i cili pasditen e 25 prillit tentoi të digjte kutitë e votimi në fshatin Agim në Libofshë.
Ngjarja ndodhi rreth orës 19:10 kur po bëhej transporti i kutive të votimit nga fshati drejt qytetit të Fierit për në KZAZ kryesore.
37-vjeçari bënte thirrje në afërsi të qendrës së votimit për të djegur kutitë e votimit, dhe u arrestua.
Ai u neutralizua nga forcat policore që ndodheshin në qendrën e votimit për t’u siguruar për mbarëvajtjen e procesit.
Lidhur me këtë ngjarje, policia sekuestroi shishe molotov, armë të ftohta dhe libra të një sekti fetar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
