Një rast i kontrabandës së mallrave pa akcizë është goditur këtë të martë nga policia e Tiranës.
Burimet zyrtare bëjnë me dije se një 31-vjeçar është arrestuar në flagrancë, ndërsa është proceduar penalisht dhe bashkëshortja e tij.
Gjatë kontrollit të ushtruar në subjektin e tyre, në rrugën “Bardhyl” policia ka gjetur dhe sekuestruar 132 litra parfum dhe esencë parfumi, të cilat ishin depozituar në bidona plastikë dhe nuk posedonin dokumentacione.
“Specialistët e Seksionit për Hetimin e Krimit Ekonomik dhe Financiar, bënë arrestimin në flagrancë për veprat penale “Tregtim dhe transportim të mallrave që janë kontrabandë” “Ruajtja ose depozitimi i mallrave që janë kontrabandë“ dhe “Fshehje të ardhurash“ të shtetasit S. K., 31 vjeç, dhe proceduan penalisht bashkëshorten e tij”, njofton policia.
Materialet proceduriale iu referuan prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
