Gjykata Penale e Tiranës i ka komunikuar masën e sigurisë “arrest në burg” 30- vjeçarit Elis Suçi, për vjedhjen në market të rreth 100 mijë lekëve të reja, kohë më parë.
Gjatë marrjes në pyetje Elis Suçi pranoi autorësinë e vjedhjes, ndërsa pretendoi se e ka bërë prej fëmijës së tij të mitur. Ndërkohë, në vazhdim pritet që Gjykata e Tiranës t’i komunikojë edhe masën e sigurisë sa i përket të shtënave me armë gjatë tentativës së policisë për ta arrestuar në datën 3 mars të këtij viti pranë gjimnazit “Ibrahim Rugova”.
Të martën gjykata do të caktojë për të masën e sigurisë për sa i përket grabitjes së 1 milion lekëve të reja në pikën e Postës Shqiptare në Kamëz, në datën 18 prill.
Suçi po hetohet për disa ngjarje të rënda kriminale nën dyshimin edhe si vrasës me pagesë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
