Një aksident me pasojë vdekjen e një të reje është regjistruar në mesnatë në aksin rrugor Vorë–Fushë Prezë, në afërsi të Vorës.
Ngjarja ka ndodhur rreth orës 00:00 të datës 13.02.2026, ku shtetasja me iniciale E. E., rreth 23 vjeçe, dyshohet se ka humbur kontrollin mbi drejtimin e automjetit që drejtonte. Si pasojë, mjeti është përplasur me barrierat anësore të rrugës.
E reja është transportuar me urgjencë drejt spitalit, por për shkak të plagëve të marra nuk ka mundur të mbijetojë.
Sipas njoftimit paraprak të policisë, grupi hetimor ndodhet në vendngjarje dhe vijon punën për zbardhjen e plotë të rrethanave dhe shkaqeve të këtij aksidenti tragjik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
