Sherr mes dy të rinjve pranë në Durrës, plagoset me thikë 17-vjeçari

Një konflikt midis dy të rinjve ka ndodhur pasditen e sotme në lagjen nr. 13 që përkon me zonën e plazhit të qytetit të Durrësit.

Burime policore bëjnë me dije se ngjarja ka ndodhur në lagjen nr. 13, ku dyshohet se për shkak të një konflikti për motive të dobëta, ndërmjet shtetasit B. M., 30 vjeç dhe një 17-vjeçari, në ambientet e jashtme të një picerie, shtetasi B. M. ka dëmtuar me mjet prerës (thikë), 17-vjeçarin, i cili ndodhet në spital, në kujdesin e mjekëve dhe është jashtë rrezikut për jetën.

Menjëherë pas njoftimit, shërbimet e Stacionit të Policisë Plazh kanë mbërritur në vendngjarje, kanë kapur shtetasin B. M. dhe e kanë shoqëruar atë, në ambientet e Stacionit të Policisë, për kryerjen e veprimeve të mëtejshme procedurale.

Materialet procedurale do t’i kalojnë Prokurorisë së Durrësit, për kryerjen e hetimeve të mëtejshme.