Kërkoi të takohej me kryebashkiakun e Fushë-Arrëzit, i riu tenton të vetëdigjet me benzinë

Një person tentoi të vetëdigjet paraditen e sotme me benzine në mjediset e bashkisë së Fushë Arrëzit.

Mësohet se bëhet fjalë për Tonin Lleshi, i cili është ndaluar në kohë.

I riu, që dyshohet se vuan nga probleme të shëndetit mendor, ka kërkuar që të takojë kryebashkiakun për të vazhduar shkollën e lartë.

Mësohet se kryebashkiaku Hil Curri ka kontaktuar me të riun, ndërsa theksoi se fatmirësisht nga ngjarja nuk ka pasur asnjë person të lënduar.

Kjo nuk është hera e parë që tenton të ndërmarrë akt ekstrem, pasi më herët kishte tentuar që të hidhej nga ura.

Fushë Arrëz/Informacion paraprak 

Rreth orës 11:00, salla operative e Postës së Policisë Fushë Arrëz, është njoftuar se shtetasi T. Ll., 35 vjeç, banues në Fushë Arrëz, kishte lyer trupin e tij me benzinë dhe po shprehej se do të vetëdigjej, në ambientet e bashkisë së Fushë Arrëzit. 

Shërbimet e Policisë kanë shkuar menjëherë në vendin e ngjarjes, për të kryer veprimet hetimore. 

Shtetasi T. Ll. është shoqëruar në Postën e Policisë Fushë Arrëz, për t’u marrë në pyetje.  

Nga të dhënat e para dyshohet se ky shtetas vuan nga probleme të shëndetit mendor. 

Grupi hetimor vijon punën për sqarimin e rrethanave të ngjarjes.