Shërbimet e Komisariatit të Policisë Maliq kanë lokalizuar dhe vënë në pranga një 38-vjeçar të shpallur në kërkim, i dënuar më parë nga Gjykata e Vlorës.
Në vijim të punës për kapjen dhe vënien përpara përgjegjësisë penale të personave të shpallur në kërkim për vepra të ndryshme penale, policia arrestoi shtetasin me iniciale S. L., 38 vjeç.
Sipas policisë, ai ishte në kërkim pasi Gjykata e Shkallës së Parë e Juridiksionit të Përgjithshëm Vlorë e kishte dënuar me 1 vit e 4 muaj burgim për veprat penale “Vjedhja” dhe “Drejtimi i automjeteve në mënyrë të parregullt”.
Pas arrestimit, materialet procedurale i janë referuar Prokurorisë së Korçës për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
