Gazetari Besmir Pula dha në edicionin e lajmeve në MCN Tv detaje të reja lidhur me plagosjen e 15-vjeçarit në një piceri pranë zonës së “Ali Demit” në Tiranë.
Policia ka arrestuar 3 persona që kanë qenë punonjës të picerisë dhe ka shpallur në kërkim administratorin si dhe autorin e dyshuar 21-vjeçar, i cili ka zhdukur DVR-në që mban pamjet filmike.
MCN mëson se sherri ka nisur pas konfliktit mes dy vajzave, një të miture, kushërirë e 15-vjeçarit, dhe një vajze tjetër që ishte e afërt e autorit.
“Janë arrestuar 3 persona, që kanë qenë punonjës të picerisë dhe është shpallur në kërkim administratori i picerisë, si dhe autori i dyshuar i ngjarjes, 21-vjeçari i cili ishte motorist që punonte në këtë piceri. Burime nga Policia e Tiranës bëjnë me dije se sherri ka nisur për motive të dobëta, ku 15-vjeçari ka qenë i ulur në tavolinë bashkë me motoristin, dhe me ta ka qenë edhe një vajzë e mitur 15-vjeçare, që rezulton se ka qenë kushërirë e të miturit. Autori pas kryerjes së plagosjes menjëherë kanë zhdukur DVR-në që mban pamjet filmike të kamerave të sigurisë, për të bërë të mundur fshehjen e ngjarjes. Kam arritur të siguroj edhe një intervistë me një shok të 15-vjeçarit, i cili jep detaje të tjera në lidhje me ngjarjen, ku na komunikon se ngjarja ka ndodhur pas sherrit të kushërirës së 15-vjeçarit dhe një vajze të njohur të motoristit. Ka qenë fillimisht mes dy vajzave, ka nisur me një sqarim, dhe ka përfunduar me përdorimin e një arme. Arma e përdorur është atipike, jo një armë standarde pistoletë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
