Një vrasje me armë zjarri ka tronditur Lushnjën mbrëmjen e së martës.
Ngjarja ka ndodhur në fshatin Shegas, ku ka mbetur i vrarë Qemal Halla, 41 vjeç.
Krimi ka ndodhur para banesës së Hallës, por nuk ka të dhëna në lidhje me rrethanat e ngjarjes.
Sipas policisë, viktima ishte fermer dhe nuk njihej si person me precedentë kriminalë.
Policia ka nisur hetimet për zbardhjen e ngjarjes dhe identifikimin e autorit.
Në ndihmë të grupit hetimor kanë shkuar një grup ekspertësh të Hetimit nga Drejtoria e Përgjithshme e Policisë së Shtetit.
Disa pika kontrolli janë ngritur në akset kryesore të zonës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
