Me paraqitjen e rastit të parë të dyshimtë të Lijes së Majmunit në Kosovë, drejtori i SHSKUK-së, Valbon Krasniqi, ka folur rreth sëmundjes së re të përhapur në botë.
Ai në një intervistë për KosovaPress, ka deklaruar se lija e majmunit nuk e ka mundësinë e përhapjes si COVID-19.
Sigurisht që ne e përcjellim me vëmendje situatën me vendet e rajonit, por edhe më gjerë dhe në rast se eventualisht paraqiten, atëherë̈ që sigurisht spitalet tona do të jenë të përgatitura për trajtimin e tyre.
Nga ajo që dihet deri tani të paktën është̈ nuk e ka mundësinë̈ e përhapjes sikurse COVID-i dhe shpresojmë̈ që mos ta merr atë fuqi dhe atë shpejti por duhet të presim se si po zhvillohet situata.
Kujtojmë se Ministria e Shëndetësisë, tashmë ka konfirmuar se është një rast i dyshimtë për Lijën e Majmunit në Kosovë.
Bëhet fjalë për një 69-vjeçar nga Dragashi, i cili për momentin është në izolim, i hospitalizuar në Klinikën Infektive, QKUK, ndërsa gjendja e tij është stabile.
Ministria ka njoftuar se po vazhdon mbikëqyrja epidemiologjike e pacientit dhe gjurmimi i kontakteve.
MSh bëri me dije se pacienti është në gjendje stabile dhe mostra për testim është dërguar në laboratorin referent të OBSH-së, në Holandë, ngase IKSHPK ende nuk është furnizuar me teste përkatëse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
