Një 53- vjeçar ka përfunduar në prangat e policisë pas tentativës për të përdhunuar një vajzë 33-vjeçare, të cilës i ishte qepur këmba këmbës për një periudhë të gjatë kohe.
Denoncimi është bërë nga e reja e cila menjëherë pasi ka shpëtuar nga duart e burrit maniak i është drejtuar Komisariatit të Policisë.
Nga strukturat e Komisariatit të Policisë Shkodër u bë arrestimi në flagrancë i shtetasit M. Z., 53 vjeç, banues në Shkodër.
Tashmë ai akuzohet për veprat penale “Përndjekja” dhe “Marrëdhënie seksuale me dhunë me të rritura” mbetur në tentativë.
Materialet iu referuan Prokurorisë së Rrethit Gjyqësor Shkodër, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
