Italia në 24 orët e fundit ka regjistruar 19.037 raste të reja me Covid-19, një shifër kjo më e lartë se një ditë më parë.
Janë shënuar 459 viktima ditën e fundit, vetëm 6 më pak se dje, duke e çuar në 71.359 numri total të viktimave. Që prej ditës së djeshme më 24 dhjetor Italia është zonë e kuqe.
Deri tani që prej nisjes së pandemisë janë regjistruar 2.028.354 të infektuar me Covid-19.
Nga ana tjetër Greqia shënon ulje të kurbës së infeksionit. Në 24 orët e fundit janë regjistruar 617 raste të reja pozitive dhe 50 viktima. Numri total i rasteve pozitive në Greqi ka shkuar në 134.852 ndërsa i viktimave në 4507.
Greqia aktualisht edhe për shkak të festave të fundvitit ka ndërmarrë masa të reja anti-COVID, me qëllim shmangien e rritjes së infektimeve në vend.
Vaksina anti-COVID do të jetë në Greqi më datë 26 dhjetor, dhe një ditë më vonë do të jetë në dispozicion të qytetarëve, siç ka thënë edhe kryeministrit Kyriakos Mitsotakis.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
