Gjykata e Gjirokastrës ka lënë në burg pa afat Nikolin J., nga fshati Katundisht Bashkia Këlcyrë pasi dyshohet se ka ngacmuar seksualisht Klarita C., 14 vjeçe banore e të njëjtit fshat.
Seanca e masës së arrestit nisi me shpalosjen e rrethanave të dëshmisë që ka dhënë para oficerëve të Policisë Gjyqësore 14-vjeçarja nxënëse e shkollës 9-vjeçare “Kamber Bënja” në Këlcyrë, prokurori Bledar Bala.
Më pas avokatja e shoferit të fugonit të nxënësve që akuzohet për ngacmim seksual, ka folur në vend të klientit të saj ku ka kërkuar prej gjykatëses Suela Dashi lirimin në sallën e gjyqit të klientit të vet pasi prokurori i çështjes nuk paraqiti asnjë provë të vetme që të bëjë me faj klientin e saj çka në mungesë të tyre, askush nuk mund të futet në burg.
Nga ana e tij shoferi i fugonit të nxënësve nuk ka folur asnjë fjalë. Sakaq gjyqtarja Dashi ka mbështetur versionin e prokurorit Bala që Nikolin J., duke caktuar masën “arrest me burg”.
Ky vendim për palën mbrojtëse është i papranueshëm dhe i pabazuar në prova materiale dhe shkresore ç’ka do të apelohet.
Të premten e kaluar nxënësja 14-vjeçare denoncoi rastin në fjalë në Policinë e Përmetit, duke akuzuar shoferin e fugonit që i transportonte, për ngacmim seksual.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
