Dy shtetas shqiptarë janë arrestuar nga Policia e Janinës, në afërsi të Meçovës me 6 kg kanabis. Sipas mediave vendase, bëhet fjalë për Dritan S., 30 vjeç dhe Foti M., 28 vjeç, të cilët teksa po udhëtonin me një motoçikletë pësuan aksident.
Policët grekë i pikasën në kryqëzimin e Kallpaqit me motoçikletën pa targa, pasi më parë kishin marrë përmes kufirit të gjelbër Greqi-Shqipëri 6 kg kanabis.
Më pas policia i ndoqi dy shqiptarët por ata u ndihmuan nga një tjetër bashkëpuntor që ishte para tyre me një autoveturë. Në momentin e ndalimit, shqiptarëve iu gjetën 6 kg kanabis, një pistoletë dhe 2 mijë euro.
Më pas u ndalua në Janinë dhe bashkëpuntori i tyre. Deri më tani këto janë detajet që bëhen të ditura nga autoritetet greke.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
