Gjyshja e 14-vjeçares nga Pogradeci që ka denoncuar se ngacmohej nga drejtori i shkollës ka dhënë një prononcim për mediat.
Gjyshja e të miturës ka treguar se nuk ishte në dijeni të ngjarjes në fjalë, ndërsa theksoi se drejtori kishte dy javë që i shkruante mbesës së saj ‘llafe turpi’.
Po ashtu, e moshuara tha se mbesa jetonte me të pasi prindërit i kishte emigrant. Gjyshja ka kërkuar nga shteti dënim maksimal, ndërsa shtoi se për abuzuesit duhet dënim kapital, me varje.
“I ka shkruar çupës në telefon. Cupa i kishte thënë kujdestares së klasës. Kishte folur me ato pastaj e morëm vesh ne këtë gjë. Ne atë ditë nuk e dinim fare, çupën e kishin marrë e kishin ulur poshtë (e kishin çuar në polici).
Ne nuk e dinim pastaj erdhën na thanë që çupa u ul poshtë (Shkoi në komisariatin e Pogradecit). Nuk e di çfarë i shkruante, por llafe turpi. Kishte dy javë që shkruante me çupën. Vajza na tregoi pastaj. Prindërit i ka në Greqi ne kujdesemi për të.
Shkuan bashkë në komisariat me çupën tjetër dhe babain e saj. Dje na thirrën dhe djalin. Ne nuk dalim dot jashtë nga halli i çupës. Shteti e di, ata njerëz që bëjnë këto gjëra, ta varin. Ka 3 ose 4 vjet drejtor në këtë shkollë ndërsa çupa ka 2 vite se ishte në Tiranë.”, tha gjyshja e 14-vjeçares.
Adriatik Haxhillari, drejtor në shkollën 9-vjeçare të fshatit Stropckë, tashmë është pas hekurave pas denoncimit se ka ngacmuar seksualisht një 14-vjeçare.
59-vjeçari i ngacmonte prej dy javësh minorenet gjatë procesit mësimor, madje u dërgonte dhe mesazhe provokuese gjatë orëve të natës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
