Policia e Tiranës ka finalizuar me sukses operacionin policor të koduar “Kombinimi”, në kuadër të luftës kundër shpërndarjes së lëndëve narkotike dhe armëmbajtjes pa leje.
Si rezultat, u arrestua shtetasi M. P., 35 vjeç, banues në Tiranë.
Gjatë kontrollit në banesën e tij, shërbimet e Komisariatit të Policisë Nr. 2 gjetën dhe sekuestruan një armë zjarri pistoletë të cilën e kishte fshehur te depozita e ujit, municion luftarak dhe 135 gramë lëndë narkotike kokainë.
Nga veprimet hetimore të kryera dyshohet se pasi siguronte lëndë narkotike kokainë, e ndante në doza me qëllim shitjen e saj.
Gjithashtu, gjatë veprimeve procedurale, rezultoi se ky shtetas gjatë një konflikti për motive të dobëta, kishte goditur me qytën e pistoletës, shtetasin S. I, duke i shkaktuar dëmtime sipërfaqësore.
Materialet procedurale i kaluan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
