Një sherr brenda familjes çoi në plagosjen e dy personave në Vlorë, mbrëmjen e kësaj të diele.
Policia arrestoi dhëndrin 27 vjeçar, i cili plagosi me thikë vjehrrin dhe kunatin e tij dhe më pas u largua.
Xhevdet Braushi, 62 vjeç dhe djali i tij Albion Braushi, 30 vjeç, janë plagosur pas një sherri me thika me dhëndrin e tyre me iniciale R.K.
Ngjarja ndodhi në lagjen “Çole”.
Shërbimet e Policisë pas afro një orë kërkimesh lokalizuan, kapën dhe prangosën, në lagjen “8 Nëntori”, autorin e dyshuar shtetasin Rildi Koçja, 27 vjeç, banues në Tiranë
“Ky shtetas pas një konflikti të çastit për motive të dobëta, ka plagosur me mjet prerës (thikë), vjehrrin dhe kunatin e tij, shtetasit Xh. B., 61 vjeç dhe A. B., 30 vjeç, të cilët ndodhet në spital, nën kujdesin e mjekëve”
Mësohet se Xhevdet Braushi është jashtë rrezikut për jetën ndërsa djali i tij ndodhet në gjendje kritike.
Dy të plagosurit janë gjetur në trotuar nga banorët e zonës para se të dërgoheshin në spital.
Në vendngjarje në cilësinë e provës materiale, shërbimet e Policisë gjetën dhe sekuestruan dy mjete prerëse, thika.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
