Komisariati i Policisë Nr. 2, në Tiranë ka identifikuar dhe arrestuar të dyshuarit e 6 vjedhjeve/tentativave për vjedhje, të kryera gjatë muajit prill.
Gjatë operacionit u vu në pranga shtetasi T. H., 30 vjeç, banues në Skrapar, të cilit i gjendet dhe i sekuestrohet 1 celular, i dyshuar i vjedhur.
Nga hetimet dyshohet se ky shtetas ka vjedhur 3 celularë dhe një shumë parash në 2 dyqane, 1 monopatinë, një market, si dhe ka tentuar të vjedhë në 2 subjekte të tjera.
Punohet për të zbardhur vjedhje të tjera që mund të ketë kryer 30-vjeçari.
Materialet procedurale iu referuan Prokurorisë së Tiranës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
