Komisioni i Pavarur i Kualifikimit konfirmoi sot në detyrë Suela Belulin, prokurore në Prokurorinë e Rrethit Gjyqësor Fier.
KPK njoftoi se pas shqyrtimit të dokumentacionit dhe zhvillimit të seancës dëgjimore në datën 30 janar për subjektin e rivlerësimit, Suela Beluli vendosi konfirmimin e saj në detyrë.
Gjatë seancës dëgjimore ajo dha shpjegime më së shumti për barrën e provës në kriterin e pastërtisë së figurës lidhur me dyshimet e ngritura për kontakte të papërshtatshme me një person të dënuar për krim të organizuar, si dhe për burimet për blerjen e një njësie dhe destinacionin e një kredie, vite përpara se të fillonte detyrën. Beluli mori vlerësim pozitiv për aspektin profesional.
Suela Beluli, e ka nisur karrierën në sistemin e drejtësisë në vitin 2000, si oficere e Policisë Gjyqësore.
Ajo u emërua prokurore në vitin 2015 dhe prej asaj kohe e ushtron funksionin në Prokurorinë e Rrethit Gjyqësor Fier.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
