Ministri i Brendshëm Sandër Lleshaj ka takuar sot efektivin e policisë që arriti të neutralizojë një person të rrezikshëm dhe të shumëkërkuar për një sërë ngjarjesh kriminale, Orges Bilbili.
Gjatë konfrontimit me Bilbilin, të cilin efektivi e ndaloi rastësisht gjatë fashës së lejimit të qarkullimit nga pandemia e koronavirusit, u plagos lehtë edhe një kalimtare e rastit, të cilën ministri Lleshaj e ka vizituar në spital.
“Një kombinim rrethanash solli, që gjatë një përplasje të rrezikshme mes Policisë së Shtetit dhe një personi me shumë rekorde kriminale, ku u përdorën armët e zjarrit, të arrihej të neutralizohej në gjendje të plagosur dhe të arrestohej një ndër personat më të kërkuar në vend.
Fatkeqësisht gjatë përplasjes mbeti e plagosur një kalimtare e rastit. Për t’i shprehur solidaritetin dhe për t’i kërkuar ndjesë qytetares së plagosur, bashkë me drejtuesit e Policia e Shtetit e asaj të Tiranës, bëmë një vizitë në spitalin ku është shtruar qytetarja e plagosur, e cila është nën kujdesin e plotë të mjekëve dhe jashtë rrezikut për jetën.
Gjithashtu, me respekt takova punonjësit e skuadrës “Shqiponja”, të cilët sot dëshmuan ato cilësi që të gjithë kërkojmë tek Policia jonë: zgjuarsi, vigjilence, pëgjegjësi, profesionalizëm dhe trimëri. Pavarësisht pandemisë, Policia nuk e humbet fokusin tek detyrat e saj bazë”, shkruan ministri Lleshaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
