Një 38-vjeçar nga fshati Bulgarec i Korçës është plagosur në orët e mbrëmjes së sotme pasi është qëlluar me armë gjahu.
Policia thotë se “rreth orës 20:20, jemi njoftuar se në fshatin Bulgarec, një person ende i pa identifikuar ka qëlluar me armë gjahu në drejtim të banesës së shtetasit V.F, rreth 38 vjeç, ku për pasojë ky i fundit ka mbetur i plagosur”.
Në vendngjarje u dërguan menjëherë shërbimet e Policisë dhe u bë transportimi për në spital i shtetasit V.F, i cili ndodhet jashtë rrezikut për jetën.
Grupi hetimor ka nisur hetimet për ngjarjen dhe po punohet për identifikimin e autorit dhe zbardhjen e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
