Përplasi për vdekje të moshuarën që lëvizte me biçikletë, arrestohet 53-vjeçarja në Shkodër

Aksident me pasojë vdekjen e një gruaje të moshuar ëhstë regjistruar ditën e sotme në Shkodër.

Specialistët e Qarkullimit Rrugor të Drejtorisë Vendore të Policisë Shkodër arrestuan në flagrancë shtetasen A. R., 53 vjeçe, pasi ditën e sotme, rreth orës 10:30, në lagjen “Skënderbeg”, automjeti që drejtonte kjo shtetase, ka përplasur biçikletën me të cilën lëvizte shtetasja M. Ç., 72 vjeçe.

Menjëherë pas përplasjes e plagosura është dërguar me urgjencë në spital për ndihmë mjekësore, por për shkak të plagëve të marra ka humbur jetën.

Vijojnë hetimet për të përcaktuar shkakun e vërtet të aksidentit. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.