Një 39-vjeçar i shpallur në kërkim kohë më parë, ka rënë në prangat e policisë në Shkodër.
Në pranga ka rënë Gjokë Odri, 39 vjeç, banues në fshatin Grudë, Shkodër.
Personi në fjalë ishte i shpallur në kërkim për veprën penale "Prodhimi dhe shitja e narkotikëve", i cili ishte i dënuar me 3 vite dhe 4 muaj burg.
Gjithashtu u bë arrestimi në flagrancë i shtetasit A. B., 26 vjeç, banues në fshatin Bleran, Shkodër, për veprën penale “Përkrahja e autorit të krimit”.
Njoftimi i plotë:
Vijon puna për kapjen e personave të shpallur në kërkim dhe vënien e tyre para përgjegjësisë ligjore.
Ndalohet një person i shpallur në kërkim, i dënuar me 3 vite e 4 muaj burgim.
Në pranga edhe shtetas tjetër, për veprën penale “Përkrahja e autorit të krimit”.
Nga Seksioni për Hetimin e Narkotikëve dhe Trafiqeve në DVP Shkodër, në bashkëpunim me forcën e posaçme “Shqiponja”, në bazë të informacioneve të marra në rrugë operative u bë kapja dhe ndalimi i shtetasit të shpallur në kërkim:
Gjokë Odri, 39 vjeç, banues në fshatin Grudë, Shkodër.
Ndalimi i tij u bë pasi Gjykata e Shkallës së Parë Shkodër, në vitin 2018, e ka dënuar me 3 vite e 4 muaj burgim, për veprën penale "Prodhimi dhe shitja e narkotikëve".
Gjithashtu u bë arrestimi në flagrancë i shtetasit A. B., 26 vjeç, banues në fshatin Bleran, Shkodër, për veprën penale “Përkrahja e autorit të krimit”.
Materialet iu referuan Prokurorisë së Rrethit Gjyqësor Shkodër, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
