Prokuroria e Posaçme Kundër Korrupsionit dhe Krimit të Organizuar (SPAK) ka dhënë pretencën për 15 zyrtarë të Ministrisë së Brendshme të akuzuar për abuzim me tenderin “studim-projektim i disa objekteve të policisë”, që përfshinte supervizimin e 4 komisariateve në Vlorë, Tiranë (nr. 4), Pogradec dhe Mirditë, me një vlerë prej rreth 555 mijë euro.
SPAK pretendon se tenderi u manipulua për të favorizuar njërën prej kompanive, duke shkelur procedurat ligjore.
Prokurorja Dorina Bejko ka kërkuar dënimin me 9 muaj burg për Denisa Skënderajn, por për shkak të gjykimit të shkurtuar ulet 1/3 dhe zbret në 6 muaj burgim.
Në pretencë SPAK kërkon të pezullohet dënimi duke e vendosur të pendehurën në shërbim prove për 1 vit.
E njëjta pretencë u dha edhe për të pandehurat: Lira Kolari; Lindita Mukaj; Silva Dauti (Kushi;) Grida Isufi; Jonarda Çurku;Julia Hysa (Done); Elora Kokalari dhe Aida Shehi.
Për burrat, nuk aplikohet i njëjti lehtësim sipas nenit 59 të Kodit Penal.
Të pandehurit meshkuj dhe dënimet e tyre janë:
Blendi Kova – 6 muaj burg
Deni Klosi – 6 muaj burg
Ferdinand Tarazhi – 6 muaj burg
Emiljano Mehmeti – 6 muaj burg
Klejdi Meço – 6 muaj burg
Erand Robaçi – 6 muaj burg
Të gjithë 15 të pandehurit do të humbin gjithashtu të drejtën për të ushtruar funksione publike për 5 vjet. Në këtë çështje, ish-sekretari i përgjithshëm i Ministrisë së Brendshme, Plarent Ndreca, do të gjykohet me procedurë të zakonshme, ndërsa është marrë në pyetje edhe ish-ministri Sandër Lleshaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
