Një 56-vjeçar banues në fshatin Bishqethem të Lushnjës është arrestuar për kallëzim të rremë.
Adrijan Shtembari kishte bërë kallëzim të rremë në Komisariatin e Policisë Lushnje, për vjedhjen e mjetit tip “Benz” me targa BS 350 SD, me pretendimin se e kishte lënë të parkuar në oborrin e banesës së tij dhe ia kishin vjedhur.
Por nga verifikimet e policisë u konstatua se mjetin në fjalë, shtetasi Adrijan Shtembari e kishte shitur, por bëri kallzim të rremë në polici për të marrë një vërtetim për humbje mjeti me qëllim çregjistrimin e automjetit në Itali.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Kallëzimi i rremë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
