Një person është arrestuar nga Policia, pasi akuzohet se ka tentuar të korruptojë një efektiv policie.
Sipas policisë, ai është Nikolin Qirici, banues në “Kombinat” të Tiranës.
Qirici u arrestua pasi në aksin rrugor Bulqizë-Peshkopi, në vendin e quajtur “Ura e Topojanit” është ndaluar nga shërbimet e Policisë qe ishin në pikë kontrolli (Policia Rrugore, e Rendit dhe Krimi ekonomik ), në zbatim të planit të masave “Për goditjen e paligjshmërisë”.
Në momentin e ndalimit ky shtetas ka tentuar t’i jap një kartëmonedhë prej 1 mijë lekësh punonjësve të policisë me qëllim shmangien e procedurave ligjore në lidhje me një sasi malli ushqimor të cilin e transportonte pa dokumentacion përkatës, (faturë tatimore).
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
