Policia e Fierit ka arrestuar dy persona të shpallur në kërkim për vepra të ndryshme penale. Policia njoftoi mëngjesin e sotëm se specialistët për Hetimin e Krimeve në Komisariatin e Policisë Fier ndaluan shtetasin e shpallur në kërkim Z. B., 44 vjeç, banues në Peqin, Elbasan.
Ndalimi i këtij shtetasi u bë pasi Gjykata e Rrethit Gjyqësor Fier, me vendimin e datës 23.11.2019, ka caktuar masën e sigurisë “Arrest në burg” për veprën penale “Vjedhje”.
Gjithashtu, në vijim të punës për kapjen dhe ndalimin e shtetasve të shpallur në kërkim, specialistët për Hetimin e Krimeve në Komisariatin e Policisë Mallakastër, kapën dhe ndaluan shtetasin S. H., 36 vjeç, banues në Kutë, Mallakastër.
Kapja dhe ndalimi i këtij shtetasi u bë pasi Gjykata e Rrethit Gjyqësor Fier me vendimin e datës 25.11.2020, ka vendosur masë sigurie “Arrest me burg” për veprën penale “Dhunë në familje”. Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
