Shtohen rastet me Covid-19 në Kosovë: 42 të infektuar në 24 orë

Gjatë 24 orëve të fundit në Kosovë, janë shtuar rastet e të infektuarëve me Covid-19.

Ministria e Shëndetësisë ka bërë të ditur sot se në 24 orë janë shënuar 42 raste të reja me COVID-19.

Një ditë më parë ishin 14 raste nga gati 2.500 mostra të kryera nga IKSHPK-ja.

Këto raste kanë dalë nga kryerja e 2.987 mostrave të dyshimta për Sars CoV-2.

Sipas MSH-së, në 24 orët e fundit janë shëruar 16 qytetarë, ndërkohë që raste aktive janë 195.

Ndërkohë në 24 orët e fundit janë dhënë 16.199 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 374.190 doza të vaksinës.

Deri më sot 117.382 qytetarë janë vaksinuar me dozën e dytë.