Një i burgosur në burgun e Reçit në Shkodër, ka ndërruar jetë ditën e djeshme në qelinë e tij.
Gazetarja Bendis Druni raportoi për “MCN Live” se i riu u dërgua në spitalin e Koplikut, por pa mundur që t’i shpëtohet jeta.
Sipas saj, dyshohet se i riu mund të ketë pirë disa ilaçe për t’i dhënë fund jetës.
Drejtoria e Përgjithshme e Burgjeve informoi se 20-vjeçari nga Rumania, Nicolae Ionnut Erion Deliver, gjatë paradites së të dielës, është konstatuar nga personeli i shërbimit duke qëndruar në shtrat, çka ka sjellë njoftimin e menjëhershëm të personelit shëndetësor të institucionit.
Pas vlerësimit mjekësor, janë konstatuar parametra jetësorë të ulët dhe i është dhënë ndihma e parë mjekësore, me rekomandim për dërgim të menjëhershëm në urgjencën e spitalit rajonal.
Sipas Drejtorisë së Përgjithshme të Burgjeve, Deliver ishte arrestuar më parë për veprat penale “Vjedhje me dhunë” dhe “Prodhim dhe shitje të narkotikëve”.
Sipas njoftimeve të vitit 2023, i riu rumun ishte arrestuar nga policia për shpërndarje të kanabisit, madje edhe në afërsi të shkollave të qytetit. Ai u kap në flagrance në lagjen “Qemal Stafa”, duke poseduar lëndë narkotike të ndarë në doza me qëllim shitjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
