Organizuan protestë të paligjshme/ Policia nis hetimet ndaj Agron Shehajt dhe anëtarëve të Partisë “Mundësia”

Policia e Tiranës ka nisur hetimet dhe ka proceduar në gjendje të lirë Agron Shehajn dhe disa anëtarë të tjerë të Partisë “Mundësia”.

Ata janë proceduar nga policia, pasi akuzohen se kanë organizuar grumbullime dhe manifestime të paligjshme gjatë protestës së zhvilluar ditën e djeshme.

Specialistët për Hetimin e Krimeve të Komisariatit të Policisë Nr. 1 referuan materialet në Prokurori ku nisi procedimi në gjendje të lirë për shtetasit A. Sh, F. M, B. D, D. D, N. M dhe K. Xh, pasi mbasditën e djeshme, kanë organizuar grumbullime dhe manifestime të paligjshme.