Një i dënuar 73-vjeçar, i cili vuante dënimin në IEVP Lezhë për veprën penale “vrasje me dashje”, ka ndërruar jetë në urgjencën e Qendrës Spitalore Universitare “Nënë Tereza” (QSUT).
Sipas njoftimit të Drejtorisë së Përgjithshme të Burgjeve, shtetasi A.B., i datëlindjes 01.07.1953, lindur dhe banues në Fier, ishte shtruar në QSUT që prej datës 17.05.2026, pas përkeqësimit të gjendjes shëndetësore.
Më herët, ai ishte transferuar nga IEVP Lezhë në Spitalin Rajonal Lezhë dhe më pas në QSUT për trajtim të specializuar, pasi vuante nga një gjendje e rënduar shëndetësore.
Sipas informacionit paraprak mjekësor, shkaku i vdekjes dyshohet të ketë qenë “arrest kardiak”. Rasti po ndiqet sipas procedurave përkatëse.
Autoritetet kanë shprehur ngushëllime për familjarët e të ndjerit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
