Dy të rinj janë arrestuar në qytetin e Elbasanit, pasi u kapën me një sasi heroine. Efektivët e policisë i kapën në flagrancë me heroinë në xhep të rinjtë, ndërsa një tjetër sasi u gjet pas kontrollit të banesës. Në pranga janë vënë: Redi Zeneli, 24 vjeç, banues në Elbasan, i dënuar më parë për veprën penale të “Prodhimi dhe shitja e narkotikëve” dhe Marius Tabaku, 27 vjeç, banues në qytetin Elbasan.
Sipas policisë, Tabakut gjatë kontrollit i është gjetur një dozë lënde narkotike e llojit heroine, të cilën rezultoi se e kishte blerë te Redi Zeneli.
Nga kontrolli i ushtruar në banesën e këtij të fundit, në lagjen “Syrja Dylgjeri”, janë gjetur dhe sekuestruar në cilesinë e provës materiale një sasi pluhuri e dyshuar si lëndë narkotike e llojit heroinë, (gjithsej 26 doza), një peshore elektronike dhe një sasi vlere monetare prej 12 000 lekësh, të cilat i ka siguruar nga aktiviteti i paligjshëm i shitjes së lëndës narkotike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
