Gjendet i pajetë 41-vjeçari në liqenin e Belshit

Një 41 vjeçar është gjetur i pajetë mesditën e sotme në një nga liqenet që ndodhen në Belsh.

Mendohej që viktima të kishte humbur kontaktet një dite me parë nga familjaret, dhe sot është gjetur trupi i pajetë i tij.

Sipas familjarëve, i ndjeri vuante nga probleme të shëndetit mendor.

Cërrik/Informacion paraprak

Rreth orës 12:30, është marrë njoftim se dyshohej se një shtetas ishte mbytur në liqenin e Belshit.

Menjëherë pas njoftimit, shërbimet e Policisë kanë shkuar në adresën e dhënë, dhe në bashkëpunim me shërbimet zjarrfikëse, kanë bërë të mundur nxjerrjen nga ky liqen, të trupit të pajetë të shtetasit F. Xh., 41 vjeç, i cili sipas deklarimeve të familjarëve, vuan nga probleme të shëndetit mendor.

Nga këqyrja paraprake e trupit nuk janë konstatuar shenja dhune.

Grupi hetimor vijon punën për zbardhjen e plotë të rrethanave të kësaj ngjarjeje.