Një person ndalohet në kufi me mijëra euro të padeklaruara

Një person është ndaluar nga Policia Kufitare në Bllatë me 10 mijë euro si dhe një shumë tjetër parash të padeklaruara.

Si rezultat i kontrolleve të imtësishme, në dalje të Republikës së Shqipërisë, është kaluar për kontroll në vijë të dytë,  automjeti tip “Volkswagen”, me drejtues shtetasin M.L.

Gjatë kontrollit janë konstatuar vlera monetare,  të padeklaruara në shumën 10070 euro, 100.000 lekë dhe 70 paund, pa i deklaruar konform ligjeve në fuqi.    

Në vijim të veprimeve procedurale për rastin, u referuan materialet në Prokurori, ku nisi procedimi në gjendje të lirë për shtetasin M.L., 29 vjeç, banues në Bushtricë, Kukës, për veprën penale “Mosdeklarimi në kufi i të hollave dhe i sendeve me vlerë”.  

Gjithashtu, në cilësinë e provës materiale u sekuestrua shuma e parave.  

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër,  për veprime të mëtejshme.