Tre shtetas shqiptarë të vënë nën akuzë për përdhunimin e një vajze 23-vjeçare në Britani, janë dënuar me 57 vjet burg. Ngjarja ka ndodhur në muajin shkurt të vitit të kaluar, ndërsa 23-vjeçarja kishte dalë me mikeshën e saj për të shijuar natën e parë jashtë pas heqjes së kufizimeve të Covid.
Ajo u nda nga mikesha e saj dhe po largohej për në shtëpi, kur 31-vjeçari Genti Hyka, i cili e kishte piketuar gjatë kohës që ndodheshin brenda klubit, e mori në makinë dhe e çoi në një adresë në qendër të qytezës ku e përdhunoi.
Dy bashkëpunëtorët e tij, Vullnet Haka, 33 vjeç dhe Ibrahim Bezati, 36 vjeç, iu bashkuan më pas dhe e përdhunuan po ashtu të renë. Gjatë ngjarjes së rëndë, 23-vjeçarja u rrah dhe u detyrua nga tre shqiptarët të merrte kokainë.
Genti Hyka u dënua me 26 vjet burg, për akuzën e rrëmbimit, heqjes së paligjshme të lirisë dhe përdhunimit.
Vullnet Haka dhe Ibrahim Bezati u dënuan për akuzat e heqjes së paligjshme të lirisë dhe përdhunimit. Gjykata dha 14 vjet burg për Hakën dhe 17 vjet burg për Bezatin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
