Vjosa, Guri: Turizmi mund të kthehet në kërcënim nëse nuk bëhet i planifikuar

Me shpalljen park kombëtar të Lumit Vjosa, ekspertët ngrenë shqetësimin se lugina tashmë duhet menaxhuar nëmnyrën e duhur që të ruhen vlerat e saj. Nëse zhvillimi i zonës nuk do të jetë i bazuar tek ekoturizmi, atëherë turzimi masiv mund të kthehet në një kërcënim për këtë habitat natyror. Besjana Guri nga Ecoalbania thotë se menaxhimi i parkut duhet bërë mbi rregulla rigoroze.

“Nuk mund të themi që është totalisht e mbrojtur përsa kohë ka edhe problematika të tjera që duhen zgjidhur në Vjosë. Deri në momenti e shpalljes Park Kombëtar ishim të fokusuar tek hidrocentralet pasi ishte një problematikë që kishte një impakt të pakthyeshëm në mjedis. Gjëra që mund të jetë pozitive siç është turizmi, shumë lehtë mund të kthehet në kërcënim nëse ai nuk bëhet në mënyrë të planifikuar, në mënyrë të kujdesshme dhe i bazuar në ekoturizëm. Nëse kthehemi në turizëm masiv, atëherë kemi një kërcënim”, thotë Besjana Guri, Eco Albania.