Tre persona të shpallur në kërkim janë vënë në pranga.
Burimet zyrtare bëjnë me dije se dy shtetas të shpallur në kërkim për “Prodhim dhe shitje të narkotikëve” të dënuar me 4 vjet e 8 muaj njëri dhe me 2 vjet e 7 muaj tjetri, janë arrestuar nga policia e Lushnjës.
Në pranga ka rënë 55-vjeçari nga Fieri, Ferdinand Muskaj, për të cilin Gjykata e Shkallës së Parë Fier, me vendimin e datës 24.03.2020 ka vendosur masën e sigurisë "Arrest me burg" për veprat penale "Vrasje me paramendim" e mbetur në tentativë, dhe "Mbajtja pa leje e armëve dhe municionit luftarak".
Ky shtetas në datë 11.03.2020, në lagjen "11 Janari" Fier, ka tentuar të vrasë me armë zjarri shtetasin M. Rr., 35 vjeç.
Ndërkohë dy të arrestuarit e tjerë janë identifikuar si Ilmi Kapidani, 52 vjeç, banues në Golem, Lushnjë dhe Agron Çela, 55 vjeç, banues në Karbunarë, Lushnjë.
Gjykata e Apelit Durrës me vendimin e datës 09.09.2020, i ka dënuar shtetasit Ilmi Kapidani dhe Agron Çela, përkatësisht me 4 vite e 8 muaj burg dhe 2 vite e 7 muaj burg për veprën penale “Prodhim dhe shitje të lëndëve narkotike” e kryer në bashkëpunim.
Këta shtetas janë autorë të ngjarjes së ndodhur në datë 14.03.2019 ku pranë stacionit të trenit në Lushnjë, Policia sekuestroi një sasi rreth 21 kg lëndë narkotike në formë çokollate.
Materialet i kaluan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
