Matura Shtetërore/ Sot provimi i Matematikes për mbi 26 mijë maturantë

Mbi 26 mijë maturantë në të gjithë vendin po mbajnë sot provimin e Matematikës, një nga testet kryesore të Maturës Shtetërore.

Ky është provimi i tretë në kuadër të Maturës Shtetërore. 

Pas përfundimit të të gjitha provimeve dhe publikimit të rezultateve, maturantët do të nisin aplikimet për ciklin e ardhshëm të studimeve universitare.

Deri më tani, nxënësit kanë zhvilluar provimin e gjuhës së huaj më 2 qershor dhe atë të gjuhës shqipe dhe letërsisë më 9 qershor.

Në të gjithë vendin janë ngritur 144 qendra provimi në institucione arsimore.

 Mbarëvajtja e procesit po mbështetet nga 2,087 mësues administratorë dhe 170 monitorues të Ministrisë së Arsimit dhe Sportit, ndërsa 650 vlerësues do të angazhohen në korrigjimin e testeve të Maturës Shtetërore.

Provimi i fundit, ai i lëndës me zgjedhje, do të zhvillohet më 23 qershor.