Komisioni i Pavarur i Kualifikimit konfirmoi sot në detyrë prokurorin e Tiranës, Ols Dado.
Gjatë seancës dëgjimore më 1 nëntor, Komisioni nuk relatoi gjetje për të cilat i ishte kaluar barrë prove, në asnjë prej kritereve të rivlerësimit.
Vendimi i arsyetuar me shkrim nga trupi gjykues, i kryesuar nga Valbona Sanxhaktari, Genta Tafa Bungo relatore, Lulzim Hamitaj anëtar, do t’i njoftohet subjektit të rivlerësimit, Komisionerit Publik dhe vëzhguesve ndërkombëtarë brenda 30 ditëve.
Ols Dado ka punuar në sektorin privat dhe si noter, përpara se të emërohej prokuror në Prokurorinë e Pogradecit në vitin 2008.
Në vitin 2010, ai u transferua në Prokurorinë e Rrethit Gjyqësor Tiranë, ndërsa prej vitit 2020 është komanduar në Prokurorinë e Përgjithshme si ndihmësmagjistrat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
