Në Itali u regjistruan sot 37 978 raste të reja infektimi me COVID-19 dhe 636 vdekje në 24 orët e fundit, sipas të dhënave nga Ministria e Shëndetësisë.
Numri i përgjithshëm i rasteve të identifikuara që nga fillimi i epidemisë rritet kështu në 1 066 401, kurse i vdekjeve në 43 589.
Në një ditë të vetme nuk ka pasur një numër kaq të lartë të viktimave që nga 6 prilli i kaluar (636).
Numri i pacientëve të pranuar në kujdes intensiv në Itali u rrit me + 89, duke shkuar në 3 170.
Pacientët me simptoma në repartet e zakonshme COVID-19 janë rritur me 429 dhe tani janë gjithsej 29 873.
Në izolim shtëpiak ka 602 011 persona (+21 178).
Aktualisht, në Itali janë 635 054 (+ 21 696) persona pozitivë me COVID-19.
Lombardia mbetet rajoni me rritjen më të madhe të rasteve të reja në 24 orët e fundit të cilat, sipas buletinit të fundit, janë 9 291 persona.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
