Një 40-vjeçar ka rënë nga lartësia teksa punonte në ambientet e stadiumit “Air Albania”, në Tiranë. Sipas informacioneve nga policia, ngjarja ka ndodhur rreth orës 17:50.
Shtetasi H. M., mësohet se ka marrë disa dëmtime dhe është dërguar në spital për të marrë ndihmë mjekësore.
Njoftimi i policisë:
Më datë 18.12.2021, rreth orës 17:50, te stadiumi "Air Albania", dyshohet se aksidentalisht ka rënë nga një lartësi e vogël, shtetasi H. M., 40 vjeç, i cili ishte duke punuar.
Si pasojë ky shtetas është dëmtuar dhe ndodhet në spital nën kujdesin e mjekëve, jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
