Një ngjarje tragjike ka ndodhur mëngjesin e sotëm në fshatin Fushë-Milot, ku një 78-vjeçar ka humbur jetën pasi është përfshirë nga flakët ndërkohë që po digjte mbeturina në oborrin e tij.
Sipas raportimeve nga korrespondenti i MCN në Lezhë, viktima është identifikuar si Demer Haxhiu.
Burimet paraprake tregojnë se zjarri ka dalë jashtë kontrollit dhe ka përfshirë trupin e të moshuarit, duke i shkaktuar vdekjen.
Në vendngjarje kanë mbërritur shërbimet zjarrfikëse të Laçit, si dhe grupi hetimor, të cilët po punojnë për të zbardhur rrethanat e ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
