Dy të fortët e Lezhës në shënjestrën e OFL-së

Operacioni Forca e Ligjit u është drejtuar ditën e sotme dy “të fortëve” të Lezhës, duke iu kërkuar që brenda 48 orëve të deklarojnë pasurinë.

E. S. dhe A. L., banues në Lezhë, të dënuar për trafikim të lëndëve narkotike, si subjekt i Ligjit Special, duhet t’u përgjigjen me shkrim të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme.

Me qëllim evidentimin dhe dërgimin në SPAK, të të gjithë personave që janë subjekt i Ligjit Special, OFL është në veprim të pandërprerë dhe në kryerje të veprimeve komplekse.

Për të gjitha nismat procedurale dhe operacionet ekzekutive që do të kryejë, OFL do të informojë publikun në vijimësi.