Një 23-vjeçar është arrestuar nga Policia e Gjirokastrës, pasi akuzohet për veprën penale “Dhënie ndihmë për kalim të paligjshëm të kufirit”. Ndaj tij, gjykata e Rrethit Gjyqësor Gjirokastër i ka caktuar masën e sigurisë “Arrest në burg”.
“Specialistët e Seksionit për Hetimin e Narkotikëve në DVP Gjirokastër, në vijim të punës për kapjen dhe vënien përpara përgjegjësisë ligjore të personave të shpallur në kërkim, bënë ndalimin e shtetasit J. S., 23 vjeç, banues në Gjirokastër, të cilit Gjykata e Rrethit Gjyqësor Gjirokastër i ka caktuar masën e sigurisë ‘Arrest në burg’ për veprën penale ‘Dhënie ndihmë për kalim të paligjshëm të kufirit’”, njoftoi policia.
Materialet në ngarkim të shtetasit J. S., i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
