Gjykata e Krujës tha sot masat e sigurisë për pesë prej të arrestuarve në skandalin e përdhunimit të një 17-vjeçareje në Fushë-Krujë.
Për Edison Çangun, 28-vjeç, Fatjon Leka, 25-vjeç dhe Arbis Shima, 26-vjeç është dhënë masa “arrest me burg”, ndërsa për 17-vjeçarin Leonard Stafa, gjykata ka dhënë masën “arrest shtëpie”.
Ndërsa për një prej të ndaluarve, është dhënë masa “detyrim paraqitje” pasi është i mitur.
Të arrestuarit janë pjesë e një grupi prej 7 personash që prej rreth 8 muajsh drogonin, dhunonin fizikisht dhe seksualisht një minorene 17-vjeçare.
Ndërkohë, në shtëpinë që u vu edhe tritoli dy netë më parë, qëndron vetëm babai i 17-vjeçares së dhunuar.
Dëshmia e saj tronditi mbarë opinionin publik. Në dëshminë e saj para policisë, ajo tha se ishte droguar dhe përdhunuar nga grupi i djemve për rreth 6 orë rresht. Ata kishin tentuar ta trafikonin edhe në Greqi për ta shfrytëzuar për prostitucion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
