Dy persona janë arrestuar nga Policia e Tiranës dhe një tjetër është shpallur në kërkim, pasi janë kapur me një sasi të konsiderueshme lëndë narkotike. Burimet zyrtare bëjnë të ditur se, Seksioni për Hetimin e Narkotikëve në Drejtorinë e Policisë Tiranë, finalizoi operacionin “Furnizuesit”, ndërsa të arrestuar janë shtetasit Izmir Bahiti dhe Nertil Dalipi.
Dy shtetasit e arrestuar kanë qenë duke lëvizur me një automjet në rrugën “Mikel Maruli” dhe gjatë kontrollit nga uniformat blu iu gjetën 2 pako me lëndë të dyshuar narkotike kokainë, me peshë rreth 2 kg e 30 gramë. Gjithashtu gjatë kontrollit policia sekuestroi në cilësinë e provave materiale mbi 5250 euro, 120 mijë lekë dhe 3 aparate celularë.
Njoftimi i policisë
Transportonin 2 kg e 30 gramë kokainë, vihen në pranga 2 shtetas, shpallet në kërkim bashkëpunëtori i tyre.
Finalizohet operacioni i koduar “Furnizuesit”, për goditjen e veprimtarisë kriminale në fushën e narkotikëve.
Operacioni, i zhvilluar nga Seksioni për Hetimin e Narkotikëve, në bashkëpunim me Forcën e Posaçme Operacionale në DVP Tiranë, nën drejtimin e Prokurorisë së Tiranës.
Sekuestrohen 2 kg e 30 gramë lëndë e dyshuar narkotike kokainë, 5250 euro, 120.00 lekë të rinj, një automjet dhe 3 aparate celulare.
Specialistët e Seksionit të Hetimit të Narkotikëve të DVP Tiranë, në vijim të punës për goditjen e aktivitetit kriminal në fushën e prodhimit dhe shpërndarjes së lëndëve narkotike, bazuar dhe në inteligjencën informative, pas një pune të mirëfilltë hetimore, nën drejtimin e Prokurorisë, organizuan dhe finalizuan me sukses operacionin policor të koduar “Furnizuesit”.
Në kuadër të operacionit u bë arrestimi në flagrancë i shtetasve:
-I. B., 29 vjeç dhe N. D., 37 vjeç, të dy banues në Elbasan.
Gjithashtu, u shpall në kërkim bashkëpunëtori i tyre, shtetasi E. H.
Në rrugën “Mikel Maruli”, shërbimet e Policisë kanë lokalizuar automjetin me drejtues shtetasin N. D. dhe pasagjer shtetasin I. B. Gjatë kontrollit të automjetit u gjetën 2 pako me lëndë të dyshuar narkotike kokainë, me peshë rreth 2 kg e 30 gramë, të cilat u sekuesteuan në cilësinë e provës materiale, së bashku me automjetin, 5250 euro, 120.00 lekë të rinj dhe 3 aparate celulare.
Vijon puna për kapjen e shtetasit E. H. Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
